ميكاب أرتيست نورية بن مسعود.. هكذا كانت بداياتي وهذه نصائحي للعرائس وهذا مايميز الميكاب السوسي

نورية بنمسعود إسم من الأسماء النسائية التي عرفت بعشقها للجمال والميكاب فقررت أن تحول شغفها بالمكياج لعمل وممارسة لتصبح من أهم الأسماء النسائية التي تخرج من بين أناملها مكياجا يبهج كل عروس تحلم بإطلالة خاصة يوم عرسها.
وعن مشوارها وبداياتها بعالم الجمال والمكياج، ونصائحها للعرايس للحصول على أجمل اطلالة يوم الزفاف، إليكم هذا اللقاء :

📍 كيف كانت بداياتك بعالم الجمال والمكياج:
✓ بداياتي كانت شوية صعيبة لأني باش نقنع والديا نخرج من خدمتي و ندير هادشي كان شوية صعيب لكن مع الوقت فاش شافوني فرحانة و كنبغي هادشي قتانعو .

📍 ماهي نصائحك للعرائس للحصول على أجمل اطلالة يوم الزفاف:
✓ نصائحي للعرائس باش يحصلو على اجمل اطلالة يوم زفاف انهم ميقارنوش راسهم بشي وحدة اخرى يعني البعض كتجيب ليك صورة لمكياج تقوليك ديري ليا بحال هذا و ميجيش معاها يعني دير داكشي لي غايجي معاها .

📍حدثينا عن خطواتكِ الأولى في عالم الجمال والمكياج:
✓ خطواتي الأولى كنحاول دائما نبرز الملامح و منبدلهمش و فنفس الوقت نخليها تشوف تغير لي ضروري خاصني نخدم بكل حب باش تنبهر بيه.

📍 كيف تطورين من مهاراتك لتواكبي الموضة في عالم المكياج؟
✓ المكياج دائما فيه الجديد و خصني ضروري اي حاجة جديدة شفتها غاضيف ليا و لخدمتي كنخدم عليها و نزيدها على داكشي لي تعلمت لانو مكياج تسعينات ماشي هو ديال دابا غير من 2016 لدابا راه تبدل بزاف كنا كنديرو ايشادو فوق العين كلها مع ايلينر كان ضروري منو دابا ما بقاش الايلينر مهم و نقدرو نستغناو عليه فاللوك ديالنا.

📍 ماهي مميزات الميكاب للعروس بجهة سوس؟
✓ العروس السوسية عندها واحد الميزة غريبة على العروسات الاخرين لانو منطقة سوس باقي فيها ديك الحشمة و ما خصهاش تكتر المكياج على حساب والديها كيبغيو مكياج خفيف و ميكونش كثير.

📍 بعض النصائح للعرائس من أجل الحصول على إطلالة ناجحة يوم العرس:
✓ نصيحتي ديال ديما لي كنقولها من نهار بديت حاولو تشوفو وجهكم ماشي وجه الناس ماشي لي دارتو هاد العروسة غايجي معاك لا كل وحدة عندها ملامحها و زينها و كلكم جميلات خاص غير تعرفو المكياج المناسب لي غايزيدكم جمال.